Drejtori për Zhvillim Ekonomik në Komunën e Gjilanit, z. Enver Shabani, ka zhvilluar takim pune me përfaqësues të Ministrisë së Administrimit të Pushtetit Lokal (MAPL), me fokus në diskutimin rreth zbatimit të Programit Nacional për Zhvillim Ekonomik Lokal.
Gjatë takimit u diskutuan aspektet kryesore të bashkëpunimit ndërinstitucional në funksion të zhvillimit ekonomik në nivel lokal, me theks të veçantë në:
Koordinimin e aktiviteteve ndërmjet komunave dhe MAPL-së në kuadër të programit,
Identifikimin e potencialeve ekonomike lokale dhe përfshirjen e tyre në planet zhvillimore,
Përkrahjen teknike dhe financiare për komunat në zbatimin e projekteve zhvillimore,
Rëndësinë e përfshirjes së sektorit privat dhe partnerëve të tjerë në proces.
Shabani theksoi gatishmërinë e Komunës së Gjilanit për të qenë pjesë aktive në implementimin e këtij programi dhe për të kontribuar me praktika të mira që nxisin zhvillim të qëndrueshëm dhe të balancuar.
Ky takim përbën një hap të rëndësishëm drejt fuqizimit të kapaciteteve komunale dhe krijimit të një qasje të harmonizuar për zhvillimin ekonomik lokal në nivel nacional. /GJILANI INFO/
