Drejtori për Zhvillim Ekonomik në Komunën e Gjilanit, Enver Shabani dhe Drejtori i Bujqësisë, Bajram Isufi, kanë pritur sot në takim përfaqësuesit e KFOR-it Turk në Gjilan , Komandantin Eron Turkoglu dhe Ekrem Yunlu.
Gjatë takimit u diskutua për bashkëpunimin e deritanishëm ndërmjet Komunës së Gjilanit dhe KFOR-it Turk, me theks të veçantë në përkrahjen që kjo forcë ka dhënë në fushën e zhvillimit ekonomik lokal, përkrahjen e bizneseve vendore dhe projekteve të ndryshme.
Drejtorët Shabani dhe Isufi shprehën mirënjohjen për kontributin e vazhdueshëm të KFOR-it Turk në mbështetjen e qytetarëve të Gjilanit dhe shprehu gatishmërinë për të thelluar më tej bashkëpunimin në projekte që ndikojnë në zhvillimin socio-ekonomik të komunës.
Përfaqësuesit e KFOR-it Turk falënderuan drejtorët për mikpritjen dhe theksuan se do të vazhdojnë të jenë partnerë të afërt të komunës në mbështetjen e iniciativave zhvillimore dhe sociale./GJILANI INFO/
