Drejtori i Drejtorisë Komunale të Arsimit, Selami Klaiqi, së bashku me Zëdhënësen e Komunës së Kamenicës, Lidiona Marovca, dhe zyrtarin e DKA-së, Sabit Zylfiu, kanë zhvilluar sot një takim të përbashkët me drejtorët e shkollave të mesme, profesorët dhe nxënësit maturantë.
Gjatë këtij takimi u diskutua për organizimin e ceremonisë së diplomimit për maturantët e Komunës së Kamenicës, për mbrëmjen e maturës, si dhe për testin që lidhet me përzgjedhjen e nxënësve për udhëtim jashtë vendit. U theksua rëndësia e një organizimi të mirëfilltë dhe transparent, në mënyrë që çdo maturant të ketë një përvojë dinjitoze në përmbyllje të rrugëtimit të tij shkollor.
Po ashtu, pjesëmarrësit ndanë ide dhe propozime konkrete për mbarëvajtjen e këtyre aktiviteteve, duke vënë theks të veçantë te siguria e nxënësve, respektimi i rregullave dhe përfshirja aktive e shkollave në procesin organizativ.
Në përfundim të takimit u konkludua se bashkëpunimi i ngushtë ndërmjet institucioneve komunale dhe shkollave është kyç për realizimin me sukses të të gjitha aktiviteteve të parapara për maturantët e këtij viti./Gjilani INFO/
