Pasditja e së premtës në disa fshatra të komunës së Gjilanit u karakterizua me stuhi tē fuqishme dhe breshër, dukë shkaktuar dëme në kultura bujqësore.
Pjesët më të prekura nga breshëri pas vizitave në teren janë fshati: Lladovë, Zhegër dhe Nasalë. Nga kjo fatkeqësi natyrore kanë pësuar kulturat e ndryshme bujqësore.
Një nga fermerët që ka pësuar tepër rëndë nga breshëri është Alban Sherifi nga fshati Lladovë ku ka të dëmtuar kulturat bujqësore,: si grurin, misrin, shalqirin dhe kungujt.
“Me vëllezërit, kemi investuar shumë, i kemi mbjellë me mund kulturat bujqësore dhe për disa minuta i gjithë mundi u shkatrrua e në veçanti shalqiri”, ka thënë fermeri Sherifi.
Drejtori Isufi ka thënë se kjo Drejtori së bashku me komisionin komunal do ti evidentojmë dëmet, pastaj kërkesat për kompensim do ti adresohen tek Agjencia e Menaxhimit të Emergjencave./GJILANI INFO/
