Ai ka apeluar që qytetarët të jenë të kujdeshëm dhe që rastet të i raportojnë në polici, sepse përvec që po shkaktohen dëme të florës e faunës, po dëmtohet edhe ambienti, si dhe po shkaktohet rrezik i pëgjithshëm.
Gjatë muajit shtator kishte rritje të jashtëzakonshme te zjarrëvenjeve në komunën e Gjilani, sidomos zjarreve fushore e malore, ashtu që edhe mund të thuhet se krahasuar me dy muajt e mëhershëm janë katërfishuar zjarrëvnjet, ka bërë me dije për lexuesit e Agjencisë së Lajmeve GJILANI INFO, Bejtullah Osmani, Drejtor Komunal për Mbrojtje dhe Shpëtim.
Sipas tij, derisa gjatë muajve korrik e gusht ishin shënuar 35 dhe 40 raste zjarrvënjesh, gjatë muaji shtator numri i zjarrvënjeve kishte arritur në 152 raste.
Ai ka apeluar që qytetarët të jenë të kujdeshëm dhe që rastet të i raportojnë në polici, sepse përvec që po shkaktohen dëme të florës dhe faunës, po dëmtohet edhe ambienti si dhe po shkaktohet rrezik i pëgjithshëm.
“Sic dihet është sanksionuar me ligjin penal të Kosovës nenin 356, i cili parasheh një dënim prej 6 muajve deri në 5 vite burg për gjithë qytetarët që shkaktojnë pasoja përmes zjarrëvënjeve”, ua ka kujtuar autorëve të akteve të kësaj natyre, Drejtori Osmani.
Andaj lutën qytetarët që shohin persona duke ndezur hamullore, pyje apo cfarëdo materiali tjetër në ambiente të hapura që të raportojnë në polici, në mënyrë që të kihen dëshmi, ashtu që edhe te parandalohen zjarrëvenjet e dëmshme per ambientin.
“Zjarrëvënja po na kushton edhe me prishje të paisjeve dhe automjeteve të cilat e kapin shifrën për këtë muaj mbi 20 mijë euro, e që natyrisht paguhen nga buxheti dhe taksa e qytetarëve, ka theksuar ai.
I pyetur se a po raportohen rastet e tilla tek organet kompetente, Drejtori Osmani, tha : “Të rralla janë rastet që raportohet dhe në shumicën e rasteve qytetarët hezitojnë për të raportuar, ashtu që është i pa kuptushëm fakti se pse iu shmangen raportime për rastet tek organet kompetente: Polici, numrin 112, në mënyrë që të parandalohen rastet, sepse është e pamundshme që zjarrëfikësit apo njësitet e tyre të jenë në cdo rast ku shfaqen zjarrvënjet”.
“Ne si Drejtori, së bashku me Policinë dhe zyrtarët e Drejtorisë përkatëse kemi vizituar disa fshatra të komunës së Gjilanit, duke filluar nga pjesa e Malishevës, pastaj Livoc, Cërnicë dhe Kravaricë, si dhe kemi shperndarë material propagandistike dhe i kemi informuar qytetarët për rreziqet që shkatohen nga zjarrvënjet dhe pasojat. Nndëkaq edhe ditëve në vazhdim do të bejmë të njëjtën gjë, tha ai./GJILANI INFO/
