Bazuar në raportin e GIZ-t për deponitë ilegale në Komunën e Gjilanit për vitin 2022, thuhet se aktualisht ekzistojnë 49 deponi ilegale, të madhësive dhe llojeve të ndryshme.
Entela Hyseni, Drejtoreshë e Inspeksionit të Komunës së Gjilanit për Agjencinë e Lajmeve,- GJILANI INFO , ka pohuar se gjatë vitit paraprak të jenë eliminuar gjithësejtë 4 deponi ilegale prej 53 syresh.
Sipas saj, deponitë ilegale janë krijuar dhe po krijohen nga qytetarët e papërgjegjshëm ndaj ambienteve jetësore, të cilët duke i’u shmangur obligimeve që mbeturinat t’i hudhin në hapësirat përreth objekteve të tyre, përkatësisht në shportat për mbeturina, po krijojnë këso deponish.
“Të njejtit përdorin rrugën më të shkurtër për t’i hedhur mbeturinat përgjatë skajeve të rrugëve, apo në hapësira jashtë vendbanimeve,” ka theksuar ajo.
Ndërkaq thuhet se Drejtoria e Inspekcionit bënë monitorimin dhe në rastet kur hasë në këso keqpërdorimesh ndërmerr masa ligjore, konform ligjit.
Në kontekst të kësaj që u tha në fund, Drejtoresha Hyseni, permendi masat ligjore që janë marrë në vitin e kaluar, kur edhe ishin elemniuar 4 deponitë ilegale të cekura më parë.
Apeli i saj për qytetarët është që të mos hudhin mbeturina në vendet e pa planifikuara duke e përmbushur kështu obligimin e tyre qytetarë.
Prej tyre poashtu kërkohet gjithashtu që të përmbushen obligimet qytatare të pagesës së rregullt për mbeturinat, si dhe që të bashkëpunojnë me institucionet për lajmërimin e keqbërësve që shkaktojnë ndotje të mjedisieve jetësore.
Drejtoria e Inspekcionit do të ndëshkoj sipas ligjit për gjoba, të gjithë qytetarët që ndotin ambientet jetësore përmes hudhjes së mbeturinave në vende të kundërligjshme, ka thënë drejtoresha Hyseni./GJILANI INFO/
