Në vazhdën e vizitave të realizuara nëpër qendrat e mjekësisë familjare, drejtoresha e Shëndetësisë dhe Mirëqenies Sociale, Mimoza Kadriu Qerimi, ka vizituar QMF “Fazli Ramadani” në Zhegër.
“Aty nga afër u njohëm me punën dhe përkushtimin e stafit shëndetësor në ofrimin e shërbimeve për qytetarët”, tha Kadriu.
Drejtoresha për Shëndetësi, tregoi se gjatë vizitës u diskutua për sfidat me të cilat përballen, nevojat për përmirësim të kushteve të punës si dhe mundësitë për avancimin e mëtejmë të shërbimeve shëndetësore.
“U vlerësua lartë angazhimi dhe profesionalizmi i stafit, të cilët çdo ditë janë në shërbim të komunitetit”, tha drejtoresha Mimoza Kadriu./Gjilani INFO/
