Edhe në Gjilan është shënuar Dita Botërore e Zemrës e cila mbahet edhe në nivel global për çdo vit më 29 shtator me qëllim të ndërgjegjësimit, edukimit dhe informimit të qytetarëve për sëmundjet e zemrës, të cilat janë shkaktar kryesor i vdekjeve në gjithë botën.
Kjo ditë synon të promovojë masa parandaluese që e zvogëlojnë rrezikun e sëmundjeve kardiovaskulare.
Në kuadër të Edukim dhe Promovimit shëndetësor, mjekët familjar dhe infermierët familjare të QKMF-së “dr. Nagip Rexhepi” Gjilan , është realizuar aktiviti në sheshin e qytetit, ku edhe është vendosur tenda në mënyrë që qytetarët të këshillohen, informohen për ZEMËR të shëndoshë me moton” Një zemër për zemrën”.
Këtij aktiviteti i është bashëkangjitur ekipa nga IShPK në Gjilan.
Gjatë aktivitetit është bërë matja e tensionit arterial,këshillimi për aktivitet fizik, ushqimin e shëndetëshëm, si dhe është shpërndarë material edukativo-shëndetësor: Të jemi aktiv, të ushqehemi shëndetshëm, të mos tymosim duhan si dhe të bëjmë vizita të rregullta te mjeku familjar./GJILANI INFO/
