Nxënësit e shkollave tê Gjilanit kanë kërkuar të realizojnë vizita jashtë vendit, edhe përkundër vendimit të kryetarit të komunës Alban Hyseni të 2 shkurtit të këtij vitit për ndalimin e tyre.
“Pas shpalljes se njoftimeve nga shkollat dhe pranimit të ofertave, prindërit, nxënêsit dhe udhëheqësit e shkollave kanë vendosur të anulojnë shetitjet për shkak të çmimeve të larta”, thonë drejtuesit e Arsimit në Gjilan.
Ajo tregoi se ky vendim është bërê për shumë arsye, si çmimet e papërballueshme për prindërit, dukuritë negative të cilat kanë ndodhur në të kaluarën dhe problematika të ngjashme, të cilat për një kryetar komune të përgjegjshëm do të duhej të ishin përgjegjësi e barrë mbi supet e tij sikur tani.
Drejtoresha Demiri, më tej shtoi se pas disa takimeve me këshillin e nxënësve, e këshillat e prindërve, nxënësit kanë qenë të lirë të zgjedhin, pra të propozojnë vendin të cilin dëshirojnë ta vizitojnë.
Drejtoresha e Arsimit theksoi se secili insititucion i arsimit të mesëm, ka shpallë ofertë me agjendën të cilën e kanë propozuar vet shkolla. Pas mbylljes së afatit duke respektuar udhëzimin administrativ në fuqi, në Drejtorinë e Arsimit janë hapur ofertat e tenderuesve sipas udhezimit. Më pas drejtorët e shkollave kanë njoftuar nxënësit e shkollave për çmimet e ofruara nga ana e kompanive, ku një pjesë e madhe e tyre janë deklaruar se nuk janë të gatshëm të marrin pjesë në ekskursion, si pasojë e çmimeve.
Sipas saj, këto shqetësime janë ngritur në Drejtorinë e Arsimit nga drejtorët e shkollave, me ç’rast unanimisht është marrë vendimi që ekskursioni të anulohet për këtë vit shkollor.
“Drejtoria e Arsimit, as nuk tenderon për ekskursion, e as nuk oferton për kompanitë”, tha drejtorssha e Arsimit, Albana Demiri. /GJILANI INFO/
