Xhemile Adili
Sonte
Më lër të të puth shumë
Të digjem në puthjet zjarr!
Sonte
Jam e dehur me dashuri
Digju dhe ti në zjarrin tim!
Bëhu prush!
Sonte
S’dua lot
S’dua dhimbje
Po dua stuhi!
Territ dua t’ia lë trishtimin.
Sonte
Më lë të pushoj mbi rrahjet e zemrës sate
Të pushoj sa të dua
Të më shikosh
Dhe të të shikoj thellë në sy
Të heshtur të kuptohemi.
Sonte
Ndjenjat do të flasin vetë
Kur buzët tona të përplasen
Të lidhur me përqafim
Të më shtrydhet loti i mallit
Deri në agim.
Sonte
Jam e dehur me dashuri
Digju dhe ti në zjarrin tim
Bëhu prush!
Të gatuajmë zemrat me prush
Sonte.
