Organizata Jo-qeveritare Dardanapress, në kuadër te projektit “Promovimi i Zhvillimit Socio-Ekonomik në Komunën e Kamenicës”, ka organizuar trajnimin e dytë me të rinjtë lidhur me rëndësinë e përgatitjes e të rinjve për tregun e punës.
Qëllimi i trajnimit është aftësimi i të rinjve për orientimin në karrierë dhe përgatitjen e tyre për hartimin e dokumentacioneve të nevojshme për aplikim për punësim (CV, Letër motivuese, plotësimin e formularëve, etj), në funksion të përgatitjes për tregun aktual të punës.
Në këtë trajnim kanë marrë pjesë Drejtoresha e Drejtorisë për Kulturë Rini dhe Sport,Rinë Matoshi-Huruglica, anëtarët e Këshillit të Veprimit Rinor Lokal si dhe përfaqësues nga Qendra Rinore.
Projekti “Promovimi i Zhvillimit Socio-Ekonomik në Komunën e Kamenicës”, është financuar nga Ministria e Zhvillimit Rajonal./GJILANI INFO/
