Në kuadër të projektit “Promovimi dhe Edukimi të Trashëgimisë Kulturore në Komunën e Kamenicës” , Drejtori Ekzekutiv i OJQ-së Dardanapress, përkatësisht Menaxheri i Projektit Sherafedin Vranja, ka nënshkruar Marrëveshjen e Mirëkuptimit me Ushtruesin e Detyrës së Drejtorisë për Kulturë Rini dhe Sport, Behar Hyseni.
Qëllimi i përgjithshëm i projektit, është promovimi i trashëgimisë kulturore përmes pasurimit, diversifikimit dhe rritjes së cilësisë së jetës kulturore, edukimi joformal i gjeneratave të reja rreth trashëgimisë kulturore në Komunën e Kamenicës.
Ushtruesi i Detyrës së Drejtorisë për Kulturë Rini dhe Sport, Behar Hyseni, ka siguruar se do t’i përmbushë të gjitha obligimet që dalin nga kjo marrëveshje duke synuar bashkëpunim edhe më të mirë në të ardhmen me shoqërinë civile.
Projekti “Promovimi dhe Edukimi të Trashëgimisë Kulturore në Komunën e Kamenicës”, është financuar nga Ministria e Kulturës Rinisë dhe Sportit në fushën e artit dhe trashëgimisë kulturore./GJILANI INFO/