Organizata Jo-qeveritare Dardanapress, në kuadër te projektit ” Promovimi i të Drejtave dhe Interesave të Komuniteteve në Komunën e Kamenicës”, ka mbajtur trajnimin një ditor me temën “Pjesëmarrja e komunitetit rom në jetën publike si dhe në procesin e vendim-marrjes”.
Në këtë trajnim të pranishëm ishin: Nënkryetarja për Komunitete Aleksandra Jovanovic, qytetarë të komunitetit rom, përfaqësues të organizatave të shoqërisë civile dhe mediet lokale.
Qëllimi i organizimit të trajnimit ishte përqendrimi në pjesëmarrjen e romëve në nivelin lokal, duke marrn pjesë në proceset e vendim-marrjes, të jenë aktiv në jetën kulturore, sociale, ekonomike si dhe në çështjet publike.
Temat kryesore në trajnim ishin: Pjesëmarrja e romëve në jetën publike si dhe në procesin e vendim-marrjes,e drejta në edukimi
t, e drejta ekonomike dhe sociale për komunitetin rom, përfshirje më të madhe të të rinjëve në jetën shoqërore.
Në fillim të trajnimit Projekt Menaxheri Sherafedin Vranja njoftoi pjesëmarrësit për qëllimin e mbajtës të trajnimit duke prezantuar të arriturat dhe objektivat kryesore të projektit, duke kërkuar mbështetje të institucioneve lokale në trajtimin e drejtë dhe të barabartë të të gjithë qytetarëve me theks të veçantë komunitetit rom, si dhe afrimin e informatave për të drejtat e komunitetit rom duke i përfshirë në punësim, në përkujdesje shëndetësore, si dhe qasja në shërbimet esenciale, si në shërbime publike (uji,kanalizim, rrymë elektrike), etj.
Në vazhdim të trajnimit të pranishmit janë njoftuar mbi rritjen e pjesëmarrjes të komunitetit rom në jetën publike si dhe në procesin e vendim-marrjes, e drejta në edukimit, e drejta ekonomike dhe sociale për komunitetin rom, si dhe përfshirje më të madhe të të rinjëve në jetën shoqërore.
Pjesëmarrësit gjatë trajnimit kanë paraqitur kërkesat dhe nevojat e komunitetit rom dhe si rekomandime kryesore të dala janë:
Ndarja e një fondi buxhetor për integrimin e komunitetit rom, punësimi i të rinjve në sektorin publik dhe atë privat, ndarja e fondeve, subvencionimi i organizatave joqeveritare rome, përfshirja e të rinjëve në aktivitetet rinore që organizohen në nivelin lokal, etj.
Ky projekt është financuar nga Zyra e Kryeministrit, Zyra për Çështje te Komuniteteve në kuadër të projektit “Mbrojtja dhe Promovimi i të Drejtave dhe Interesave të Komuniteteve”./GJILANI INFO/
