Ramë Oraca
aty ku pushojnë legjendat
dhe gurët ende ruajnë hapin e të parëve
frymojnë rrënjët e Bungut të Dyzit
degët e tij janë krahë shqiponje
hapur mbi fushat e Llapit
në lëvoren e tij
koha ka gdhendur rrudha stinësh
më të vjetra se kujtesa jonë
çdo plagë është një shekull
çdo nyjë mban një amanet
për të nesërmen
nën hijen e tij
brezni të tëra kanë shuar etjen
është lidhur besa për liri
lahutarët u kanë kënduar kreshnikëve
dhe fëmijët kanë mësuar prej rrënjëve
si mbrohet atdheu
sa herë historia të kërkojë dëshmitarë
ai do të mugullojë në ne
e kur ne të mbesim vetëm emra
Bungu i Dyzit
do të vazhdojë ta mbajë qiellin mbi supe
derisa të mos rrëzohet
hija e tij./Gjilani INFO/
