Studio Ligjore “Global Legal Business” SHPK, me pronar Arsim Vranovci, përfaqësues i vetëm me autorizim për shitjen e klubit futbollistik SC Gjilani, përmes një reagimi për media, ka thënë se nuk do të ndodh kthimi i pronarit, Florim Zuka në klubin e permendur.
Tutje, avokati Vranovci ka pohuar se Florim Zuka do t’i përmbushë të gjitha obligimet financiare ndaj futbollistëve dhe stafit të klubit futbollistik SC Gjilani, duke theksuar se procesi i shitjes së këtij klubi vazhdon.
Ai përmes këtij reagimi paralajmëron se më datën 16.01.2023, me fillim në ora 10:30, në Hotel Astoria në Gjilan, do të mbahet eventimenti që do të organizohet për shitjen e 100% të aksioneve të klubit futbollistik “SC Gjilani”.
“Ne besojmë se “SC Gjilani’ ka një të ardhme të ndritshme dhe është një mundësi e shkëlqyer për investim. Ju ftojmë të merrni pjesë dhe të informoheni më shumë për klubin si dhe ju inkurajojmë të shqyrtoni dorëzimin e një oferte”, ka thënë avokati Arsim Vranovci nga Studio Ligjore “Global Legal Business SH.P.K”. /GJILANI INFO/
