Avokati dhe biznesmeni shumë i suksesshëm nga qyteti i Gjilanit, zotëri Arsim Vranovci, njëherit edhe President i Këshillit të Bizneseve të Rajonit të Gjilanit (GRBC), njihet si njeri me karakteristika të një lideri.
Ai për Agjencinë e Lajmeve “”Gjilani Info’’ tha se jeton dhe vepron me zemër e shpirt për Gjilanin dhe Anamoravën, i përkushtuar fuqishëm në aspektin e ngritjes së një imazhi të shkelqyer për Rajonin e Gjilanit.
“Kësaj radhe, ajo që kam bërë për Gjilanin dhe Anamoravën është e dhëna se me iniciativën time sjellë në Gjilan mikun e tim dhe të vendit tonë, zotëri, Lukas Mandl, eurodeputetin Austriak dhe themeluesin e Shoqatës së Miqësisë Austri-Kosovë “, theksoi avokati gjilanas, Arsim Vranovci.
Sic dihet, zotëri Mandl, ka dhënë një kontribut të jashtëzakonshëm ndër vite në integrimin e Kosovës në strukturat Evropiane si dhe është autor i librit “Kosova dhe BE-ja – Situata aktuale”.
Për kontributin e vazhdueshëm për vendin tonë, të zotëri Mandl, President i Këshillit të Bizneseve të Rajonit të Gjilanit, zotëri Vranovci thotë se ka iniciuar procesin e shpalljes së eurodeputetit austriak, Mandl, Doktor Honoris Causa.
Senati i Universitetit Publik “Kadri Zeka” në Gjilan, më datë 27.01.2023, do të ndajë titullin “Doctor Honoris Causa” për zotëri, Lukas Mandl, titull ky i dhënë për herë të parë nga ky Universitet.
Po në të njëjtën ditë, zotëri Arsim Vranovci me Këshillin e Bizneseve të Rajonit të Gjilanit (GRBC) paralajmëron se do të organizoj një Gala Event në Hotel Astoria në Gjilan, me fillim nga ora 18:30, e ku pritet të marrin pjesë mbi 200 biznese nga Anamorava, si dhe ambasadorë e përfaqësues të Shoqatës së Miqësisë Austri-Kosovë.
Sipas tij, në po këtë ngjarje do të ndahen edhe mirënjohje për 31 bizneset më të mira të Rajonit të Gjilanit, si dhe do të përzgjidhet punëtori më i mirë i vitit 2022 nga radhët e bizneseve të po kësaj ane.
Ndërkaq, gjatë kësaj ceremonie, eurodeputei austriak, zotëri Lukas Mandl do të nderohet me titullin “Anëtar Nderi i Bordit” i Këshillit të Bizneseve të Rajonit të Gjilanit.
I pyetur për këtë ngjarje, zotëri, Arsim Vranovci ndër tjerash, tha: “Si avokat dhe biznesmen është gjithmonë kënaqësi dhe nder im të kontribuoj për komunitetin e Anamoravës. E një nga mënyrat përmes të cilave kam vendosur t’a bëj këtë është sjellja e eurodeputetit, zotëri Lukas Mandl në qytetin e Gjilanit. Dhe me sjelljen e tij ketu, ne synojmë rritjen e vetëdijesimit lidhur me rëndësinë e mbajtjes së raporteve të mira me miq nga Bashkimi Evropian. Njëherit edhe iu japim mundësinë qytetarëve të rajonit të Gjilanit të kenë kontakt të afërt me një eurodeputet si zotëri , Mandl”.
Avokati Vranovci tha se për Gjilanin dhe Rajonin e Gjilanit nuk do të kursehet asnjëherë, sepse ka motiv dhe vullnet e përkushtim për një imazhë të shkelqyer për Anamoravën./GJILANI INFO/
