Sot, Kryesuesi i Kuvendit Komunal, Liridon Kastrati bashkë me drejtorin e Drejtorisë komunale të Arsimit Afrim Dervishi dhe atë të Zhvillimit Ekonomik Burbuqe Leka, kanë pritur në takim një delegacion investitorësh dhe biznesmenësh shqiptarë nga Bafra e Samsuni i Turqisë.
Ata pas një kohe të gjatë, kanë filluar vizitat në vendin e tyre të origjinës. Njëra nga komunat që ata kanë vizituar ka qenë edhe Komuna e Kamenicës.
Drejtori Dervishi ka falënderuar z.Recep Gündüz për mundësimin e kësaj vizite.
Ai shtoi se si komunë janë të kënaqur që është zgjedhur komuna e Kamenicës për vizitë, duke uruar që vizita tjetër të jetë në komunat e Turqisë ku ata jetojnë e veprojnë./GJILANI INFO/
