Edhe sot ka dështuar mbajtja e seancën së rregullt e Kuvendit Komunal në Gjilan. Dhe kështu ndodhi ngase seancën e braktisi opozita,- LDK, e cila është shumicë në këtë përbërje.
Shefi i Grupit Parlamentar të LDK-së, Avdyl Aliu ishte i pari që mori fjalën. Ai pos tjerash u ankua duke thënë se për mbajtjen e seancës së radhës, ende nuk ka kushte për transparencë minimale.
“ Ne nuk do të jemi pjesë e seancave, përderisa nuk përmbushen kërkesat tona të kahershme” , tha ai.
Aliu ka thënë se nuk mund të qëndrojnë në seancë, pasi siç u shpreh ai, nuk ka transmetim medial, duke harruar se faqja e Komunës, transmetonte seancën drejtpërdrejtë, dhe një sinjal i tillë transmetohej edhe në faqet zyrtare të më së dhjetë mediumeve lokale.
Aliu përsëriti se janë të interesuar për mbajtjen e seancës, por jo në kushte të territ informativ e mandej së bashku me Grupin e tij Politik lëshuan seancën, duke injoruar faktin se të pranishëm në seancë ishte një numër i konsideruar i gazetarëve, të cilët me të drejtë mund të jenë ndier të fyer e të irituar që shefi i Grupit të LDK-së, “nuk i pa”, por prezenca e tyre dhe përmendja e territ informative, nuk shkojnë bashkë.
Ndonëse, po përcillej nga rreth dhjetë përfaqësues mediash lokale, përmendja e fjalës terrë informativ, nuk është mirëpritur prej tyre.
Andaj, do të ishte mirë dhe e shëndshme për demokracinë që të jepen sqarime për qytetarët se për kë ishte fjala, kur u përmend terri informativ si pengesë për mbajtjen e seancës.
Ia kujtojmë shefit të Grupit të LDK-së në Kuvendin Komunal të Gjilanit se edhe në një seancë është shprehur në të njëjtën mënyrë, duke përdorur të njejtën shprehje!…
Ndërkaq, do të bënte mirë që të sqaroj për qytetarët e Komunës së Gjilanit, ndaj të cilëve edhe ka përgjegjësi se për kë aludoi kur u përmend terri informativ.
Ia bëjmë me dije këtij dhe gjithkujt se ne jemi aty për të pasyqruar zhvillimet e punëve të Kuvendit, por jo edhe për të krijuar terrin informativ.
Ne gazetarët jemi në përcjellje dhe pasqyrime të aktiviteteve dhe ngjarjeve edhe të subjekteve politike jashtë Kuvendit, pa dallime. E, gjithashtu edhe të aktiviteteve dhe ngjarjeve që ndodhin në Komunën e Gjilanit.
Të mos harrojmë se për fjalën publike, kemi edhe përgjegjësi publike!.. /Heset ZYMBERI/
