Asambleistja e Kuvendit Komunal në Gjilan, Afërdita Balaj që vie nga partia e LDK-së, ka reaguar lidhur me vendimin për ndalimin e ekskurzioneve për maturantët e Komunës së Gjilanit.
Në reagimin e saj thuhet se ekskurzionet duhet të ndalohen në gjithë Kosoven, e jo vetëm për maturantët e Komunës së Gjilanit, duke theksuar se nuk duhet të ju mohohet kjo e drejtë.
Pastaj, ajo shtron pyetjen; “Pse të anulohet, kur ka mundësi të përmirësohet?
“Në qeverinë e kaluar, komisioni për arsim, e ka trajtuar shumë herë këtë temë, por asnjëher nuk ka përmendur anulimin. Ka kërkuar që këtij ekskurzioni të i ndryshohet formati, shëtitja të jetë me e shkurtër, ose të jetë më mirë e organizuar etj.”, ka thënë ajo.
Sipas saj, përderisa jetojmë në një shekull modern dhe deri sa në të gjithë botën këto janë obligative, kjo është një e drejtë e mohuar, dhe gjithashtu këtë ta ndaloj vetëm komuna e Gjilanit është e pa pranueshme.
Asambleistja Balaj thotë se kur dëgjohen këso lajmesh, shtrohen pyetjet:
A me të vërtet kanë ndodhur gjëra të tmerrshme dhe degraduese në këto shëtitje?
Dhe shton- “Sapo lexova një koment nga një drejtor, i cili mendoj që pak ka njohuri në këtë drejtim, ku kishte pohuar se nxënësit kishin përdorur edhe lëndë narkotike gjatë shetitjeve”.
E duke iu përgjigjur asaj që paska thënë Drejtori që nuk i përmendet emri, ajo thotë; ” Drejtor i nderuar, ata maturant që ishin pjesë të këtyre shëtitjeve, sot janë doktor, ingjinjer, në krye të shtetit, ata janë të dalluar në çdo vend, kurse narkomanët mbetën narkomanë edhe nëse nuk shkuan në Shqipëri!”
“Tmerrues fakti, një intelektual të flasë pa fakte!”, ka shprehur mëllefin asambleistja Balaj.
Sipas saj, ky ekskurzion krijon lidhje ndërshoqërore, solidaritet, tolerancë në mes nxënësve maturant. Po ashtu ka rëndësi edukuese. Gjithashtu ndihmon në pavarsimin e nxënësve dhe shumë e shumë veti tjera të mira, të cilat më bëjnë të kundërshtoj fuqishëm këtë vendim!/GJILANI INFO/
