Drita, kampionia vjeshtore e Kosovës, më në fund është përcaktuar për trajnerin e ri të skuadrës.
Pas një “sage” disa-javore, klubi i madh gjilanas ka vendosur për emrin e “timonierit” të ri.
Merret vesh nga burime të afërta me klubin se Drita ka vendosur për Arsim Thaqin.
Siç mëson portali, Thaqi do të prezantohet te Drita të martën.
Thaqi së fundmi ishte pjesë e Malishevës, teksa më parë ka drejtuar edhe Prishtinën.
Ndryshe, Drita e ka mbyllur stinorin vjeshtor në Superligën e Kosovës në vendin e parë me 38 pikë, aq sa ka edhe kampioni në fuqi, Ballkani.
