Policia ka arrestuar një person në Radivojcë të Vitisë, pasi që i njëjti dyshohej se kishte shtënë me armë zjarri, bëri me dije sot policia.
Sipas saj, në vendin e ngjarjes kanë dalë njësitë policore ku kanë gjetur dhe konfiskuar 13 gëzhoja.
Ndërkaq, gjatë kontrollit në shtëpinë e të dyshuarit është gjetur dhe sekuestruar një pistoletë me 70 fishekë.
Me vendim të prokurorit, pas intervistimit i dyshuari është liruar në procedurë të rregullt, njofton policia./GJILANI INFO/
