Policia në Gjilan ka arrestuar një person në Gjilan, nën dyshimin se ka kanosur djalin e tij.
Në polici është raportuar se kësaj kanosje i ka paraprirë një mosmarrëveshje mes prindit dhe djalit të tij, rast ky që është cilësuar si dhunë në familje.
Ndërkaq, bëhet e ditur se gjatë kontrollit në shtëpinë e tij është gjetur dhe konfiskuar një pushkë gjuetie dhe 53 copë fishekë.
Pas intervistimit me urdhër të prokurorit kujdestar, rasti shkon në procedurë të rregullt./GJILANI INFO/
