Ai zotohet per 14 prioritete.
Postimi i plotë i tij
Të dashur qytetarë,
Këto janë 14 prioritetet e mia për mandatin 4-vjeçar në Asamblenë Komunale në Gjilan.
Transparencë dhe llogaridhënie në çdo vendimmarrje.
Infrastrukturë dhe shërbime publike më të mira – ujë i pijshëm, rrugë të rregulluara, trajtim i ujërave të zeza.
Mbështetje për të rinjtë, sportin dhe gratë; avancim në arsim e shëndetësi; përfshirje dhe punësim për personat me aftësi të kufizuara.
Shqyrtimi dhe ndryshimi i rregullores për subvencionet e bujqve dhe fermerëve.
Hapja e një qendre ditore për personat me aftësi të kufizuara.
Mbulimi i shpenzimeve të udhëtimit për nxënësit nga fshatrat që vijojnë shkollën në qytet dhe vijnë nga familje në gjendje të rëndë ekonomike.
Krijimi i një fondi të veçantë për qytetarët e Luginës, të cilët nuk përfitojnë nga ndihmat sociale për shkak të shtetësisë.
Lirim nga pagesat e shërbimeve komunale për kryetarët e bashkësive lokale dhe vullnetarët e qytetit, si motivim për kontributin e tyre.
Mbikëqyrje e punës së kryetarit dhe drejtorëve – raportim dhe llogaridhënie para qytetarëve.
Rishikimi i rregulloreve komunale në përputhje me nevojat reale të qytetarëve. Planifikim urban të drejtë dhe të qëndrueshëm me plane rregulluese të qarta. Pjesëmarrje aktive në komisionet e Kuvendit për mbrojtjen e interesave të qytetarëve. Mbrojtja e ambientit – për një komunë më të pastër dhe më të gjelbër. Ngritja e zërit për çdo kërkesë të qytetarëve në Kuvend.
Nga fjala në vepër për Gjilanin!Me respekt,
Ardian Foniqi
Kandidati juaj i pavarur për Asamblenë Komunale – Gjilan
