“Nëndega Vërbicë e Zhegocit është vizita e radhës, ky vend është një pjesë e bukur e një thesar natyror i Gjilanit, e cila përbëhet nga njerëz të veçantë, shumë mikpritës e besa edhe punëtorë të jashtëzakonshëm” ka thënë Arbër Ismajli, kandidati i LDK-së për kryetar të Komunës së Gjilanit.
Ai tha se kjo trevë shquhet për mikpritjen bujare e për njerëz punëtorë të cilët janë lënë krejtësisht anash nga pushteti aktual.
Ismajli tha se këta njerëz kanë nevoja imediate për projekte kapitale që do t’ua lehtësonin jetën dhe do të hapnin mundësi të reja zhvillimi.
”Falënderojmë shumë Nëndegën Vërbicë e Zhegocit, për këtë organizim dhe mobilizim për ta ndërruar pushtetin i cili për katër vite nuk ka gjetur kohë e mundësi për të investuar në këto pjesë”, thotë Ismajli
Ai u tha atyre se nuk kanë kohë më për të humbur.
Vërbica e Zhegocit do të ketë vendin dhe trajtimin e merituar nga ana e qeverisjes sonë. Bashkë, ecim për fitore”, ka thënë Arbër Ismajli./GJILANI INFO/
