“Bashkatdhetarët tanë me energjinë, idetë dhe dashurinë e tyre për vendlindjen na treguan edhe njëherë se sa e fuqishme është diaspora jonë. Bashkë me nënkryetarin e LDK-së, njëherit, deputetin e Kuvendit të Republikës, z. Lutfi Haziri, dhe, mikun tonë kandidat për Asamble Komunale, Fitim Guda, vizituam miqtë tanë në Gjenevë, qytetarët e Gjilanit, të cilët na dhanë përkrahjen dhe mbështetjen e jashtëzakonshme për rrugën e tyre drejtë Gjilanit të ri”, thenë Arbër Ismajli, nënkryetari i Lidhjes Demokratike të Kosovës (LDK), Dega në Gjilan, njëherësh kandidat i këtij subjekti për kryetar komune, në zgjedhjet e 12 tetorit.
Ismajli thotë se këta bashkatdhetarë, me dashninë e tyre për vendlindjen dhe me vizionin që mbajnë për një Gjilan më të zhvilluar, treguan se sa e rëndësishme është lidhja tyre prej mërgate me qytetin e tyre të zemrës, Gjilanin e përbashkët.
“Një falënderim i posaçëm i takon mikut tonë të çmuar, Besnik Benz, dhe kryesisë së Nëndegës së Gjenevës, të cilët me mikpritjen dhe përkushtimin e tyre të jashtëzakonshëm bënë që ky organizim të jetë historik dhe mbamendës”, ka thënë Arbër Ismajli.
Sipas tij thuhet se kontributi i gjithë mërgatës sonë, është dëshmia më e mirë se vetëm bashkë, pa dallim sa larg jemi, mund ta ndërtojmë një të ardhme më të mirë për qytetin tonë dhe për Kosovën, në veçanti.
“Bashkatdhetarët tanë nga Gjeneva e Zvicrës na dhanë energji të re, besim e forcë që së bashkë do ta jetësojmë vullnetin e qytetarëve të Gjilanit me datë 12 tetor. Koha e keqqeverisjes politike në Gjilan ka mbaruar. Është koha e përgjegjësisë, angazhimit e përpjekjes së përbashkët për një qeverisje të drejtë e shumë parimore”, ka thënë Arbër Ismajli, i cili synon në zgjedhjet e 12 tetorit, poziten e kreut të komunës së Gjilanit nga subjekti politik LDK të cilit edhe i takon./GJILANI INFO/
