“Me nderin më të madh pranoj nominimin si kandidat për kryetar të ardhshëm të Komunës së Gjilanit nga strukturat e LDK-së. Faleminderit kryetarit të LDK-së, Dr. Lumir Abdixhiku dhe kryetarit të degës në Gjilan, Lutfi Haziri për besimin dhe mbështetjen e palëkundur. Mirënjohje të veçantë për çdo nëndegë në çdo pëllëmbë të Gjilanit, aty ku zëri juaj më obligon dhe më jep përgjegjësi t’ju përfaqësoj”, tha me rastin e nominimit të tij kandidat për kryetar të Komunës së Gjilanit, në zgjedhjet e ardhshme lokale.
Ai tha se ky nominim është një besim që e obligon dhe motivon për punë e përkushtim të pakompromis.
Sipas tij u tha se Gjilani ka nevojë për bashkim, për vizion të qartë dhe për energji të reja që sjellin ndryshim.
“Ftoj çdo qytetar të Komunës së Gjilanit, anë e kënd, që të bëhen pjesë e kësaj rruge të përbashkët. Bashkë do ta kthejmë Gjilanin në rrugën e zhvillimit, dinjitetit dhe përparimit. Koha e ndarjeve ka kaluar dhe tani është koha e bashkimit për qytetin tone”, tha ai.
Arbër Ismajli u zotua se do të jetë zëri dhe fuqia e secilit që beson në një të ardhme më të mirë.
“Ky nominim është përgjegjësi e madhe dhe premtim për punë të pandalshme. Bashkë, me unitet dhe vizion të qartë, do ta kthejmë Gjilanin aty ku e meriton. Na pret një rrugë sfiduese, por me energji të reja ku me punë dhe vendosmëri do t’ia dalim bashkë.”, tha ai.
Ndërkaq bëri thirrje për të gjithë qytetarët, strukturat dhe gjeneratat që të bëhen bashkë, sepse sipas tij, Gjilani meriton shumë më shumë dhe se bashkë në këtë rrugëtim do të bëhet realitet.
Fitorja është e përbashkët, për Gjilanin që e duam të gjithë, tha ai./GJILANI INFO/
