Kreu i Komunës së Gjilanit. Alban Hyseni ka thënë se për katër vite qeverisje kishte shumë sfida dhe krahas kësa edhe shumë suksese.
“Në mbledhjen e fundit të bordit kemi rikapituluar punët dhe projektet e realizuara, të cilat kapin vlerën mbi 45 milionë euro projekte në zbatim”, ka thënë ai.
Ndërkaq ka përmendur: Rrjeti i ujësjellësit – projekti FLOWS – 15 milion euro, Stadiumi i Qytetit – 13 milion euro, Banimi i përballueshëm dhe social – 4.5 milion euro, Arsimi – 3.3 milion euro në Shkollën e Mjekësisë dhe mbi 3 milion euro në çerdhe të reja, Bujqësia – mbi 2.8 milion euro investime (2022–2024) dhe dhjetëra përfitues, Renovimi i palestrës së sportit – 2.8 milion euro, Qëndrimi ditor për të moshuar, kuzhina humanitare dhe bujtina për studentë – 2.5 milion euro, Rruga Hamdi Kurteshi – 2.4 milion euro, Shëndetësia & Mirëqenia Sociale – mbi 2 milion euro në ndërtime, pajisje dhe shërbime të reja
Sipas tij, krejt në fund të mandatit është nisur me projektin më kapital në historinë e komunës sonë, “Bulevardi i Qytetit”, me vlerë 18 milion euro, që ndryshon tërësisht pamjen e qytetit.
Kryetari i Komunës së Gjilanit i cili synon të njejtin post edhe në zgjedhjet lokale të e 12 tetorit, ka thënë se këto investime madhore, bashkë me qasjen e re në qeverisje, kanë transformuar qytetin tonë.
“Jam krenar për çdo hap të bërë dhe për besimin e qytetarëve në këtë rrugëtim”, ka thënë kreu i Komunës së Gjilanit, Alban Hyseni./GJILANI INFO/
