Me mbështetjen e menaxhmentit të QKMF “Dr. Nagip Rexhepi”, është mbajtur një aktivitet sensibilizues me rastin e Ditës Botërore të Hipertensionit, në bashkëpunim me Drejtoria e Shëndetësisë dhe Instituti Rajonal i Shëndetit Publik.
Gjatë këtij aktiviteti, stafi shëndetësor ka realizuar matjen e tensionit arterial për qytetarët, ka ofruar këshilla shëndetësore dhe ka informuar të pranishmit për rëndësinë e kontrolleve të rregullta mjekësore.
Po ashtu, qytetarët janë vetëdijesuar për faktorët e rrezikut që ndikojnë në shfaqjen e hipertensionit, duke përfshirë stresin, ushqimin jo të shëndetshëm, mungesën e aktivitetit fizik dhe konsumimin e tepërt të kripës.
Nga organizatorët u theksua se qëllimi i këtij aktiviteti ishte promovimi i shëndetit publik dhe ngritja e vetëdijes për parandalimin dhe menaxhimin e tensionit të lartë të gjakut, një ndër sëmundjet më të përhapura tek popullata./Gjilani INFO/
