Kandidati i Lëvizjes Vetëvendosje për asamble komunale në Gjilan, Abdyl Kurteshi, i cili në listën e këtij subjekti politik ka numrin 16, ka thënë se me ardhjen e tij në postin e kuvendarit, do të jetë vërtetë zë i qytetarëve të Komunës së Gjilanit.
“Në Kuvend nuk do të jam sa për të qenë fizikisht aty, apo si thuhet sa për sy e faqe, por do të jam vërtetë ai që do solidarizohet me hallet, brengat dhe problemet që kanë qytetarët e komunës tonë. Do të merrem me problemet jetike me të cilat përballohen njerëzit e kësaj komune si dhe do të angazhohem për zgjidhjen e halleve dhe veshtirësive të tyre”, ka thënë kandidati i Lëvizjes Vetevendosje, Abdyl Kurteshi.
Ai ka thënë se nuk ka nevojë që të jetë aty, sa për të marrë një pagë, por që të jep maksimumin për mirëqenjen e qytetarëve të Komunës së Gjilanit, gjithëandej.
“ Dua që të jam adresa ku qytetarët shpalosin problemet dhe hallet e tyre jetësore me të cilat ballafaqohen në jetën e tyre. Të i dëgjojë dhe shoh me ndjeshmëri shpirtërore sfidat reale të qytetarëve dhe pastaj do të jap maksimunin për dalje nga situatat e padurushme në të cilat ndodhen. Fundja kjo kategori e qytetarëve tanë duhet të konsiderohet si vetë dhimbja dhe dashuria jonë njerëzore e kësaj hapsire ku po jetojmë”, tha kandidati për asambleist në Kuvendit e Komunës së Gjilanit, Abdyl Kurteshi nga Lëvizja Vetëvendosje.
“Adresa ime është numri 16 në listën e kandidatëve të Lëvizjës Vetëvendosje me numer 105 për zgjedhjet lokale, andaj trokitni lehtë në portat e këtij numri që do të hapen lehtë për gjithë juve qytetarët tonë të dashur dhe respektuar!…”, ka thënë kandidati për asamble komunale nga Lëvizja Vetëvendosje, Abdyl Kurteshi.
Kandidati, Abdyl Kurteshi rrjedhë nga një familje e cila ka traditë: arsimin, edukatën, kulturën, atdhetashurinë dhe sakrificat për komb dhe atdhe…
Vjenë nga sfera e biznesit dhe njihet si afarist i sukseshëm dhe një shembull i një biznesmeni me autoritet.
