Kandidati nga Lëvizja Vetëvendosje në Gjilan, Abdyl Kurteshi, thotë se ka hyrë në garë për asmbleistë në zgjedhjet lokale për të punuar në interes të qytetarëve.
“Zotohem se do të angazhohet me tërë qenjen time për mirëqenjen e qytetarëve, pavarësisht bindjeve të tyre politike që mund të kenë”, thotë ai.
Ai thekson se nuk do të merret me politikë ditore, por do të punojë për interesin dhe mirëqenjen e qytetarëve.
“Unë nuk do të merrem me politikë ditore, dhe do ta kundërshtoj fuqishëm qasjen politike të kësaj natyre. Do të veproj kështu sepse kështu e do vendi dhe rendi, apo më mirë thënë. e duan dhe kanë nevojë qytetarët, që munden të na nderojnë dhe gradojnë me besimin e tyre, përmes votës së lirë”, thotë Abdyl Kurteshi, kandidat nga Lëvizja Vetëvendosje në Gjilan me numër 105, dhe numrin e tij të kandidatit për asmbleist 16.
