/E meritojnë përkrahjen fëmijët dhe rinia jonë, sepse janë pjesa më vitale dhe më e rendësishmja që kemi…/
Avdyl Kurteshi, kandidat me numër 16 nga Lëvizja Vetëvendosje Qendra në Gjilan në zgjedhjet lokale që do të mbahen me 12 Tetor, pohon se e vetmja arsye për të kandiduar për asambleist në Kuvendin Komunal të Gjilanit është që të punoj si duhet dhe ndershëm për interesat dhe nevojat e qytetarëve.
“Qytetarët nuk kanë nevojë për “asambleistë” që heshtin e nuk flasin për probleme dhe nevoja të qytetarëve. Poashtu nuk kanë nevojë për ata/ato që flasin sa për të thënë diçka apo më mirë thënë sa për ta konsumuar kohën e nevojshme të seancave të cilat pikësyim duhet të kenë mirëqenjën e qytetarëve”, ka thënë kandidati Abdyl Kurteshi.
Ai thotë angazhimet do ti fokusoj për mbështjen dhe mirëqenjen e fëmijëve dhe rinisë së Komunës së Gjilanit duke theksuar se kjo është pjesa më e rëndësishme që ka shoqëria Komunës së Gjilanit.
“Do të jam zëri dhe dora e zgjatur e tyre duke ngritur çështje që lidhen me nevojat që kanë, sepse e meritojnë dhe për faktin se janë e ardhmja e jonë…”- thekson Kurteshi.
Kandidati Abdyl Kurteshi nuk harron as kategorinë e qytetarëve me nevoja të veçanta dhe qytetarët me gjendje të rëndë shëndetësore për të cilët thotë se nuk duhet të mungojë solidarizimi ndaj tyre.
Gjithashtu zotohet se do nuk do të kursehet për të punuar edhe për interesat dhe nevojat e qytetarëve të moshuar e me nevoja të ndryshme, sepse kjo katergori ka dhënë kontributin e saj për një jetesë të dinjitetshme në moshën e tyre.
