Gjatë mbledhjes së sotme të Qeverisë së Kosovës është miratuar rregullorja për financim e dërgimit të Forcës së Sigurisë së Kosovës (FSK) jashtë vendit.
“Pika e shtatë është shqyrtimi i projekt-rregullores për financim e dërgimit të FSK-së jashtë vendit. Kjo rregullore përcakton procedurat dhe mënyrën e financimit për dërgimin e FSK-së jashtë vendit”, ka thënë kryeministri Albin Kurti.
Ndërsa ministri i Mbrojtjes, Armend Mehaj, ka thënë se kjo rregullore është hartuar në përputhje me procedurat e parapara në rregulloren e punës së Qeverisë së Kosovës.
“Ministria e Mbrojtjes ka hartuar këtë rregullore në përputhje me procedurat e parapara në rregulloren e punës së Qeverisë së Kosovës. Aprovimi i kësaj rregullore përcakton mënyrën e financimit për dërgimin e FSK-së jashtë vendit, prandaj kërkon aprovimin tuaj për këtë rregullore”, ka thënë ministri Mehaj.
