Pas dy vitesh, përsëri është mbajtur Manifestimi Tradicional Kulturor “Ditët e Agimit 2022”.
Ky manifestim si rëndomë ka nis me aktivitete sportive, përkatësisht Turnirin Memorial në Futboll të Vogël, me moton ”Edhe me Sport e Kujtojmë Agimin”.
Nga ekipet pjesëmarrëse, vendi i parë i ka takuar ekipit “Beka Com”.
Ka vazhduar pastaj me Flakadanët nga varri i Idriz Seferit deri te sheshi “Agim Ramadani” në shenjë përkujtimi të 114 dëshmorëve të rënë në Koshare, gjatë luftës 1999.
Gjithashtu është shënuar edhe Dita e Shkollës e cila mban emrin e dëshmorit, Agim Ramadani.
Kurse në krosin e vrapimit të lirisë me 900 metra largësi, prej varrit të Idriz Seferit e deri te kroi I Agim Ramadanit, vendin e parë e zuri, Alban Haziri.
Manifestimi ka vazhduar edhe me krijimtarinë letrare “ Muza e Agimit”, duke mbledhur poet nga të gjitha trojet shqiptare. Poeti Agim Gjakova, këtë vit e fitoi garën letrare, me poezinë titulluar “ Para portretit të dëshmorit”, kushtuar heroit të kombit, Agim Ramadanit.
Ndërsa garat e gjuajtës me pistoletë 9 mm në 10 metra nga Klubi Katana në Obliq kemi tre vende.
Vendin e parë e fitoi: Gezim Flugaj, të dytin Gyner Nuredini, kurse vendit e tretë, Veton Dragusha.
Në garën e enigmatikës, fitoi Sadri Ajvazi.
Tubimi Qendror “I Këndojmë Agimit” në prani të familjës së heroit Agim Ramadani, bashkëluftëtarëve të tij, veteranëve dhe invalidëve të luftës së UCK-së, udhëheqësve institucional të vendit dhe pjesëmarrësve të tjerë, ka filluar me himin kombëtar.
Në fjalën e rastit, kryetari i komunës së Gjilanit, Alban Hyseni ndër tjera tha:” Eshtë nderë e privilegj që sot të jam para jush në ditët e Agimit, kur tradicionalisht vazhdojmë ta përkujtojmë figurën madhështore të heroit Agim Ramadani”.
Ai bëri thirrje dhe ftoi për të përkujtuar figurën e këtij heroi dhe gjithë dëshmorëve të kombit tonë.
Ndërkaq, Xhafer Gashi përfaqësues i Brigadës 138, njëherit edhe kryetar i komunës së Obiliqit tha se Agimi ishte strateg lufte, strategjinë e të cilit shumë akademi ushtarake e marrin për bazë si të suksesshme.
Ai foli edhe për veprimtarinë artistike të Agimit, ku ndër të tjera tha se pikturat e Agimit renditen ndër pikturat e vendit të parë të Akademisë së Shkencave Europiane.
Shukrije Ramadani, bashkëshortja e dëshmorit tha:” Ditëlindjet i kam ndarë gjithmonë me Agimin që nga fëmijëria, e tash i ndaj me juve që numerikisht jeni shumë”.
Ajo tha se kjo ditëlindje ka simbol bashkimin kombëtar, suksesin, unitetin dhe dashurinë ndaj atdheut.
Manifestimi vazhdoi me pjesën artistike, me Edona Llalloshin, Yllkë Demaj, Albina Kelmendi, Arian Agushi – Gold Ag, Ismet Bexheti, Mahmut Ferati, Merita Sahiti- Selishta, Milaim Mezini dhe Faton Isufi, artist nga Zhegra dhe me valle të Karadakut nga Rron Isufi e Lorikë Sylejmani.
Kurse u permbyll me Ekspozitën Postmortum, punimet artistike, piktura të Agim Ramadanit në Galerinë e Arteve të Gjilanit (Prapa Teatrit të qytetit Gjilan)./Gjilani Info/
