Prokuroria Themelore në Gjilan ka ngritur tri aktakuza ndaj gjithsej 10 personave, për vepra të ndryshme penale.
Sipas raportit 24-orësh të Prokurorit të Shtetit, një aktakuzë është ngritur ndaj gjashtë personave për veprën penale “Vjedhje e rëndë”.
Një aktakuzë tjetër është ngritur ndaj dy personave për veprat penale “Lëndimi i lehtë trupor” dhe “Kanosje”.
Ndërkaq, aktakuza e tretë është ngritur ndaj dy personave për veprën penale “Keqtrajtimi gjatë ushtrimit të detyrës zyrtare ose autorizimeve publike”.
Këto të dhëna janë bërë të ditura në raportin 24-orësh të Prokurorit të Shtetit./Gjilani Info/
