Drejtori për Bujqësi, Pylltari dhe Zhvillim Rural, Naim Pira, së bashku me bashkëpunëtorët e tij, ka vizituar qendrat grumbulluese të grurit në Vitin dhe Kllokot.
Gjatë vizitës, ai u njoftua me rendimentet e sivjetme, procesin e grumbullimit dhe çmimet aktuale të grurit.
Me këtë rast, drejtori Pira vlerësoi angazhimin e fermerëve, ndërsa theksoi se çmimet aktuale të grumbullimit nuk janë të favorshme dhe nuk i mbulojnë në masën e duhur kostot e prodhimit.
Ai ritheksoi gatishmërinë e Drejtorisë për Bujqësi që të vazhdojë mbështetjen dhe përkrahjen e fermerëve të Komunës së Vitisë./Gjilani INFO/
