Drejtoria Rajonale e Policisë në Gjilan ka njoftuar sot se gjatë një jave janë shqiptuar gjithsej 1.815 gjoba për kundërvajtje të ndryshme në komunikacion.
Sipas sajë thuhet se janë hetuar 10 aksidente trafiku me dëme materiale dhe 33 aksidente me persona të lënduar.
Zyrtarët policorë poashtu kanë shqiptuar: 26 gjoba për mosvendosje të rripit të sigurisë; 30 gjoba për përdorim të telefonit gjatë ngasjes; 15 gjoba për modifikim të automjeteve me xhama të errësuar (folije të errëta); 27 masa të ndalimit të drejtimit të mjeteve motorike; 16 gjoba për drejtim të motoçikletës pa patentë shofer; 16 gjoba për drejtim të motoçikletës pa regjistrim valid si dhe 23 gjoba për drejtim të motoçikletës pa helmetë.
Gjithashtu, Policia ka konfiskuar përkohësisht 11 motoçikleta.
Drejtoria në fjalë u bën thirrje të gjithë pjesëmarrësve në komunikacion që të respektojnë rregullat e trafikut dhe të tregojnë kujdes të shtuar gjatë drejtimit të automjeteve./Gjilani INFO/
