Policia e Kosovës ka publikuar statistikat e përgjithshme për 24 orët e fundit, gjatë të cilave janë evidentuar 2 aksidente trafiku me fatalitet, 21 aksidente me persona të lënduar dhe 21 aksidente me dëme materiale.
Gjatë kësaj periudhe, zyrtarët policorë kanë shqiptuar 1,502 tiketa trafiku, në kuadër të kontrolleve të vazhdueshme për rritjen e sigurisë në komunikacion.
Po ashtu, janë arrestuar 17 persona, ndërsa 13 persona janë dërguar në mbajtje. Sipas statistikave, nuk është raportuar asnjë person në ndalim policor, ndërsa 2 persona janë në vuajtje të dënimit.
Policia u bën thirrje të gjithë pjesëmarrësve në trafik që të respektojnë rregullat e komunikacionit dhe të tregojnë kujdes të shtuar, me qëllim parandalimin e aksidenteve dhe ruajtjen e sigurisë në rrugë./Gjilani INFO/
