Drejtoria Rajonale e Policisë në Gjilan ka bërë të ditur se gjatë periudhës 12–18 qershor 2026, në kuadër të zbatimit të planeve operative për siguri në trafik, janë shqiptuar gjithsej 1,534 gjoba trafiku.
Sipas policisë, gjatë kësaj periudhe janë hetuar 8 aksidente trafiku me dëme materiale dhe 15 aksidente me persona të lënduar.
Po ashtu, zyrtarët policorë kanë shqiptuar:
* 56 gjoba për mosvendosje të rripit të sigurisë,
* 34 gjoba për përdorim të telefonit gjatë ngasjes,
* 34 gjoba për modifikim të automjeteve me folje të errëta,
* 46 masa ndalimi të drejtimit të mjeteve motorike ndaj ngasësve që kanë kryer shkelje të rënda.
Policia Rajonale e Gjilanit u ka bërë thirrje qytetarëve që në rast të aksidenteve me dëme të vogla materiale të ruajnë qetësinë, të respektojnë rregullat e trafikut, të fotografojnë vendin e ngjarjes, të shkëmbejnë të dhënat e nevojshme dhe të plotësojnë raportin evropian të aksidentit.
Autoritetet apelojnë që çdo ngasës ta ketë gjithmonë me vete raportin evropian, duke kontribuar kështu në një trafik më të sigurt për të gjithë./Gjilani INFO/
