Policia e Kosovës ka publikuar statistikat e përgjithshme nga raporti ditor, ku evidentohet një numër i konsiderueshëm aksidentesh dhe tiketash trafiku të shqiptuara në tërë vendin.
Sipas të dhënave zyrtare, gjatë 24 orëve të fundit është regjistruar një aksident trafiku me fatalitet, 21 aksidente me persona të lënduar dhe 42 aksidente me dëme materiale.
Po ashtu, policia ka shqiptuar gjithsej 2444 tiketa trafiku për shkelje të ndryshme në komunikacion.
Në raport bëhet e ditur se janë arrestuar 22 persona, prej të cilëve 10 janë dërguar në mbajtje, ndërsa një person ndodhet në vuajtje të dënimit. Nuk është raportuar asnjë person në ndalim policor.
Autoritetet vazhdojnë të apelojnë për kujdes të shtuar në trafik dhe respektim të rregullave të komunikacionit për të parandaluar aksidentet dhe humbjen e jetëve./Gjilani INFO/
