Policia e Kosovës ka intensifikuar aktivitetet në trafik gjatë javës së kaluar, duke shqiptuar gjithsej 1,931 gjoba për shkelje të ndryshme rrugore në rajonin e Gjilanit.
Sipas Drejtoria Rajonale e Policisë Gjilan, gjatë periudhës 10–16 prill 2026 janë hetuar 12 aksidente trafiku me dëme materiale dhe 16 aksidente me të lënduar.
Në kuadër të kontrolleve të shtuara, policia ka shqiptuar:
– 33 gjoba për mosvendosje të rripit të sigurisë,
– 29 gjoba për përdorim të telefonit gjatë vozitjes,
– 25 gjoba për modifikime të paligjshme të automjeteve (folije të errëta),
– 81 gjoba për automjete të paregjistruara si dhe ka shqiptuar masën e ndalimit të drejtimit për 43 ngasës.
Ndërkohë, në kuadër të një task-force për rritjen e sigurisë në trafik, policia ka zhvilluar kontrolle të fokusuara ndaj motoçikletave, triçikletave dhe trotinetëve.
Nga 25 marsi deri më 16 prill 2026:
– janë konfiskuar 107 motoçikleta me shkelje përkatëse,
– janë shqiptuar 212 gjoba për drejtim pa regjistrim, pa helmetë dhe pa leje, si dhe janë konfiskuar 114 trotinetë dhe mjete të tjera me dy rrota.
Autoritetet policore bëjnë të ditur se kontrollet do të vazhdojnë me intensitet të shtuar, me qëllim rritjen e sigurisë në trafik dhe parandalimin e aksidenteve rrugore./Gjilani INFO/
