Prokuroria Themelore në Gjilan ka bërë të ditur se, me urdhër të prokurorit kujdestar, është ndaluar një (1) person, i dyshuar për kryerjen e veprës penale “Ngacmimi seksual”, sipas nenit 183 të Kodit Penal të Kosovës.
Sipas njoftimit zyrtar, rasti është duke u trajtuar nga organet e drejtësisë, ndërsa ndaj të dyshuarit janë ndërmarrë veprimet procedurale të nevojshme.
Ndërkohë, Prokuroria Themelore në Gjilan ka njoftuar se ka ngritur tri (3) aktakuza ndaj tre (3) personave të ndryshëm, të cilët dyshohen për veprën penale “Vjedhja e shërbimeve”.
Autoritetet bëjnë të ditur se mbeten të përkushtuara në luftimin e kriminalitetit dhe në zbatimin e ligjit, duke garantuar ndjekjen penale të çdo rasti që bie ndesh me legjislacionin në fuqi./Gjilani INFO/
