Nga: Sami Arifi
Sami Kurteshi u lind në vitin 1960 në qytetin e Gjilanit, ai shkollën fillore dhe të mesme i kreu në vendlindje, ndërsa studimet në kryeqytetin e Kosovës në Prishtinë. Samiu rrjedh nga një familje, të cilët brez pas brezi ishin me taban kombëtar si: Kurtesh Kurteshi, Hamdi Kurteshi, Hysen Ismajl Kurteshi, Muharrem Kurteshi, Mulla Ibrahim Kurteshi, Rexhep Kurteshi, Mehmet Kurteshi, të cilët ishin në udhëtim të gjatë të dijes, rezistencës si dhe qëndresës gjatë përkushtimit për lirinë e atdheut. Pandaj, Samiu nuk kishte si të ishte ndryshe përveç të vazhdonte udhëtimin, si trungu familjar i tij, për çlirimin e atdheut.
Sami Kurteshi ishte organizator dhe pjesëmarrës i demonstratave, tubimeve në shumë qytete të shteteve perëndimore, në Bonn, Vjenë, Bernë, Shtutgart, Gjenevë e të tjera, për të sensibilizuar opinionin ndërkombëtar, që vendet e Evropës Perëndimore të njihen për së afërmi me pozitën e rëndë të shqiptarëve, për shtypjen kombëtare të tyre, në Kosovë dhe në trojet të mbetura padrejtësisht nën Jugosllavi. Atdhetari Sami Kurteshi së bashku me shokë ka sjell ilegalisht me mijëra ekzemplarë të gazetës “Zëri i Kosovës”, ai në kremtimin e ditës së “Flamurit Shqiptar” më 28 Nëntor të vitit 1982, lexoi referatin dhe mori pjesë në punimet e seminarit sekret në qytetin Bill të Zvicrës.
Sami Kurteshi së bashku me shokë u kap nga syri famëkeq i sigurimit shtetëror jugosllav dhe u dënua për vepër armiqsore kundër RSFJ për organizim të grupit irredentistëve shqiptar para kolegjit penal të Gjykatës së Qarkut të Beogradit, me 9-të vite burg të rëndë, ndërsa i akuzuari i parë, Zija Shemsiu 13-të vite burgë të rëndë, i cili nga torturat sero-sllave ndërrojë jetë në burg, Fetah Shemsiu e Taip Zeka u dënuan me nga 5-së vite e gjashtë muaj burg të rëndë, ndërsa Hasan e Shaban Shemsiut i shqiptuan dënimin me nga 4-rë vite burg të rëndë. Të dënuarit nga Gjykata e Qarkut në Beograd, më 24 prill 1984, (TANJUG).
Sipas Agjensisë së Lajmeve, 15 maj 1984, (TANJUG)
I akuzuari i parë, Zijah Shemsiu, në mbrojtjen e tij tha se vetë ilegalisht ka futë në vend armë, eksploziv e materjal propagantistik dhe se Sami Kurteshin e kishte takuar rastësisht në Autobus, ky i dyti (Samiu) tha se aksionin e kemi kryer së bashku…
Sami Kurteshi në seancë përveç tjerash tha: “Republika Socialishte e Shqipërisë në Jugosllavi duhet t’i përfshijë të gjitha ato territore në të cilat jetojnë shqiptarët, e kjo do të thotë Kosovën, Maqedoninë Perëndimore si dhe viset në Mal të Zi dhe në Serbi”.
Kryetarja e Gjyqit të Qarkut në Beograd, Natalia Jankoviq, më 24 maj, (TANJUG) tha: këta dy të akuzuar, Zija Shemsiu dhe Sami Kurteshi gjatë dy viteve, 1981-1983, u dalluan në demonstratat armiqësore kundër Jugosllavisë në botë, të cilët qëllim të fundit kishin shkëputjen e Kosovës nga Jugosllavia dhe bashkimin e saj me Shqipërinë…
Lavdi për qëndresën e atdhetarëve që dhanë jetë për çlirimin e atdheut, respekt për të vuajturit që i mbijetuan në burgje egërsisë serbe, dhe sot gëzojnë lirinë…
Lavdi dhe respekt për atdhetarë! /Gjilani INFO/
