Policia e Kosovës ka publikuar statistikat e përgjithshme për 24 orët e fundit, ku janë evidentuar dhjetëra aksidente trafiku dhe një numër i konsiderueshëm i personave të arrestuar në nivel vendi.
Sipas raportit policor, gjatë kësaj periudhe nuk është shënuar asnjë aksident trafiku me fatalitet, ndërsa janë regjistruar 17 aksidente me persona të lënduar dhe 31 aksidente të tjera vetëm me dëme materiale.
Po ashtu, zyrtarët policorë kanë shqiptuar gjithsej 1 mijë e 924 tiketa trafiku ndaj drejtuesve të automjeteve që nuk kanë respektuar rregullat e komunikacionit.
Në aspektin e sigurisë, janë arrestuar 40 persona, prej të cilëve 19 janë dërguar në mbajtje, tre persona janë ndaluar me urdhër policor, ndërsa dy persona janë duke vuajtur dënimin./Gjilani INFO/
