Kryetari i Komunës së Gjilanit, Alban Hyseni, bashkë me Agim Ademin, kryetar i Federatës së Futbollit të Kosovës, drejtori gjeneral i FC Drita, Feti Murseli, presidenti i klubit, Valon Murseli, zyrtarë të klubit, tifozë dhe mysafirë të tjerë, kanë marrë pjesë në vënien e gurthemelit për ndërtimin e kampit stërvitor të KF Dritës.
“Kampionët tanë meritojnë kushte dhe investime të tilla që ua rrisin cilësinë dhe angazhimin”, ka thënë i pari i Gjilanit, Alban Hyseni.
Postimi i plotë i kryetarit të komunës së Gjilanit
Sot, bashkë me Kryetarin e FFK-së, Agim Ademi, drejtorin e klubit Feti Murseli, pronarin Valon Murseli, zyrtarë të klubit dhe tifozë, vendosëm gurthemelin për ndërtimin e kampit stërvitor të KF Dritës.
Hapësira për ndërtimin e këtij kampi është ndarë nga Komuna, si mbështetje konkrete për sportin dhe futbollin gjilanas.
Kampionët tanë meritojnë kushte dhe investime të tilla që ua rrisin cilësinë dhe angazhimin./Gjilani INFO/
