Shfaqja “Kukulla” me regji të Naser Shatrollit, jepet të marten në orën 19:30, premierë në Teatrin Dodona në Prishtinë.
Kjo shfaqje bëhet me tekst të autorit Miro Gavran, përshtatje dhe regji të Naser Shatrollit dhe asistent regjisorit Edonis Gashi. Derisa interpretojnë: Leonard Hamitaj, Qëndresa Jashari. Muzika: Vihuela Akademi – Ehad Dula. Skenografia: Nase Shatrolli dhe Armend Hyseni. Traileri dhe posteri: Dalmat Dobra. Bashkëpunim mes: Teatrit ”Mërgimtari” Kroaci dhe ”Teatri Dodona” Prishtinë..
Kukulla, është metaforë e njeriut për njeriun e shtruar në trendin e kaosit urban, që ka humbur sensin e gjykimit real në kuptimin e marrëdhënies së ndërsjellë në çifte, familje, punë dhe në trashëgimi. Kukulla, përkon me partiturat e njerëzve të zhytur në llumin e pangopësisë dhe pa kënaqësisë së tyre.
Këto kategori të pakënaqurish, zgjedhin formate të kukullës që të bëjnë zgjidhje artificiale në përditshmëritë e tyre duke sinkronizuar argatin rutinor mbi supet e teknologjisë.
Miro Gravan, autori i pjesës, është komediograf kroat, i cili e kultivon frymën e teatrit paradoksal, minimalist po e po, formatet janë të vogla në përbërje ndërsa temat janë provokative.
Në Kosovë e Shqipëri, është inskenuar goxha mirë dramaturgjia e tij. Gavrani luan me figura historike, paradizon me situata të caktuara, e ndjek trendin e jetës rutinore nw rrethana rajonale dhe evropiane.
Në rastin konkret drama përkon me gradën e mendësisë së familjes. Strukturën e kultit në relacione burrë-grua dhe kukulla që zë vendin e gruas së tij që potencialisht çon drejt pikëpyetjeve të mëdha.
Regjisori Naser Shatrolli, tha se i ka dhënë kahje temës më tepër në këtë drejtim. Loja në fokus ka mardhënjën e njeriut me njeriun ndërsa „Kukulla“ është mjet artificial i jetës artificiale si mesazh i qartë se kah duhet marr drejtimet njeri.
„Ka majftueshëm material, është dramë provokuese, për aktorët dhe për mua është material i mirë, gjetjet i kam unike, autoriale, stili im njihet pak a shumë, meqë këtë herë janë akoma më studioz në aspektin e hulumtimit“, tha Shatrolli.
Regjisori, theksoi se produksioni është nga Zagrebi ‘’Mërgimtari’’ shoqatë kulturore të cilën Leonard Hamitaj, e ka themeluar që të kultivoj teatër dhe aktivitete tjera në Kroaci me synimin që të komunikoj me botën shqiptare brenda Kroacisë por dhe me Shqipërinë e Kosovën fakti që Leonardi ka prejardhje nga Shqipëria.
Ndërkohë, ”Dodona” ka bashkëpunuar me ”Mërgimtarin”, premiera do të luhet në Tetarin „Dodona“ me 30 dhjetor, pastaj, në vitin 2026 do të shkojë në Zagreb.
Regjisori Shatrolli tregoi, se Qendresa Jashari, aktore e Kosovës, në rolin e kukullës, ndërsa, pjesë tjetër e ekipit është shkolla e muzikës Vihuela, dhe Ehad Dula, pastaj, është Dalmat Dobra, Edonis Gashi asistent, Albert Gashi ndriçues etj. Naser Shatrlli, tha se është momenti që të falënderoj bashkëpunëtorët e mi – të Tiranës, Athinës, Shkodrës, Zagrebit dhe të Prishtinës.
“Premiera është festë e hapur andaj ju thërrasim që të ndajmë së bashku këtë gëzim krijues dhe artistik”, tha regjisori i shfaqjes./Gjilani INFO/
