Lidhja Demokratike e Kosovës (LDK), në Gjilan ka ftuar për të premten një takim të përbashkët të strukturave të LDK-së, me qëllim të mobilizimit të plotë për zgjedhjet e balotazhit të 9 nëntorit.
Siç, dihet tani më, Arbër Ismajli, kandidati i LDK-së për kryetar të Komunës së Gjilanit do të ballafaqohet në balotazh, me Alban Hysenin, kryetarin aktual të Gjilanit, kandidat i Lëvizjes Vetëvendosje.
Arbër Ismajli i ka ftuar edhe qytetarët që nesër, më 31 tetor (e premte), në ora 17:00, në Teatrin e Qytetit, të bashkohen, siç ka thënë ai, në takimin e madh mobilizues të familjes sonë politike.
“Ky takim është momenti i bashkimit, i vullnetit dhe i besimit tonë për fitoren e madhe të 9 nëntorit! Fitoren që do ta bëjmë bashkë, për Gjilanin e ri që po rilind dhe po ngrihet me zemër e me dashni”, ka thënë Arbër Ismajli i LDK-së./Gjilani INFO/
