Pas arritjes së sigurimit edhe një pike të vlefshme të kampionit të Kosovës në futboll, Klubit të Futbollit “Drita”, në fazën e grupeve të Ligës së Konferencës të UEFA-s, ka uruar edhe kryetari i Komunës së Gjilanit Alban Hyseni.
Kryetari Hyseni e shikoi ndeshjen nga stadiumi “Fadil Vokrri” në Prishtinë dhe shkroi: “Në përkrahje të djemve bardhë e kaltër. Forca Drita”.
FC Drita, kampionia e Kosovës në futboll, ka përfunduar të enjten mbrëma ndeshjen kundër skuadrës Omonia Nicosia nga Qipro 1:1.
Djemtë bardhë e kaltër shënuan golin në minutën e 12-të, kur Arb Manaj shënoi me kokë pas një harkimi të saktë nga Besnik Krasniqi.
Ndërsa mysafirët barazuan në sekondat e fundit të pjesës së parë, kur Giannis Masouras shënoi golin e barazimit pas një goditjeje nga këndi.
Ky ishte takimi i xhiros së dytë i kësaj gare evropiane.
Ndeshjen e radhës në Ligën e Konfoerencës, Drita do ta zhvillojë më 6 nëntor në Irlandë kudër Shelbourne./GJILANI INFO/
