Nga: K.Goca
Të gjithë përfitojnë nga rikthimi i Xherdan Shaqirit në FC Basel, ka shkruar shefi i futbollit në mediumi zviceran “Blick” Christian Finkbeiner.
“Pas titujve në Champions League me Bayern Munihun dhe Liverpoolin, dhe kalimet në klube tjera si Interi, Stoke City, Lyoni dhe Chicago, Xherdan Shaqiri kthehet në atdheun e tij pas dymbëdhjetë vitesh jashtë shtetit.
Pasi pushtoi botën dhe u bë lojtari më i suksesshëm zviceran në nivel klubesh,
Shaqiri po i kthehet rrënjëve. Aty ku nisi karrierën e tij brilante dhe tashmë ka përjetuar një ose dy momente të shkëlqyeshme.
Ai dëshmon se FC Baseli është një çështje për zemrën e tij.
Fanella me numër 10 mund të bëhet një nga më të shiturat brenda një kohe të shkurtër.
Dhe jo vetëm në Joggeli, por edhe në stadiumet e tjera zvicerane, shfaqja e futbollistit më të shkëlqyeshëm zviceran në histori do të tërheqë një apo dy tifozë të tjerë”, ka shkruar mes të tjera.
