Shkelzen Halimi
Do të përfundojë edhe kjo ditë
si çdo ditë tjetër
që na kthehet në kujtim
Ëndrrat e ndaluara
as sonte nuk do të vijnë
rrugës së harruar
Pak para mesit të natës
do ta ujis lulen e mërzisë
do t’i marr ilaçet
për ta vënë në gjumë dhimbjen
Dhe kur në shtrat ta lëshoj trupin
do ta pëshpëriti
lutjen e përhershme:
Zot
mos lejo që vetmia t’i mbylli sytë
se pastaj mund të na ikë dita
pa ia parë lindjen dhe perëndimin…
