Superliga e Kosovës në futboll, rikthehet këtë vikend me ndeshjet e javës së 15-të.
Kjo xhiro nisi nesër pasdite, ku do të përballen Malisheva-Ballkani, ndeshje në të cilën kampionët në fuqi llogaritën favorit.
Xhiroja e 15-të do të vazhdojë të shtunën pasdite, ku ballafaqohen Fushë Kosova-Dukagjini dhe Feronikeli ’74-Liria, duel këto që pritet të sjellin sfida interesante.
E diela pasdite vjen me dy superduele, ku takohen Prishtina-Drita dhe Gjilani-Llapi, përballje këto që gjithnjë kanë sjellë duele interesante për shkak të rivalitetit mes këtyre ekipeve.
